3月5日
晚上放工回家，因早上看了歐聯直播致很疲倦，晚飯也沒吃便入睡。
3月6日
凌晨一時許，被萊嫂弄醒，她說應是穿水了，還已洗澡及洗頭，於是我也即洗臉刷牙，攜著"走佬袋"與她乘的士到廣華醫院；
凌晨二時許，萊嫂在產房中，醫院姑娘說我可回家等消息；
凌晨三時許，在家收拾東西、上網，看歐聯直播及泡了杯麵吃，這時才記起原來我沒吃晚飯和洗澡；
早上五時許，收到萊嫂的電話，bb在三時五十八分出生了，比預產期早兩星期，體重2.88kg，母子平安；
然後繼續收拾東西、上網、註冊本blog、安裝bb床，洗澡及吃早餐等；
下午一時，到醫院探萊嫂和bb，第一次接觸到萊b~
被自己的手甲弄損，成為疤面b......
之後去了樂富買產後廿八方，然後到黃金買HCSD咭及吃了下午餐才回家；
在家稍作休息並發送了數個電郵，六時前再度到醫院探望萊嫂和萊b；
臉上的損痕已消退不少，還常呱呱大哭~
探望時間過後，買了點東西並外帶麵食回家吃。
＞＞追加細b的【出世了】
文章標籤
全站熱搜
兄弟倆 (2)
恭喜萊少萊嫂！ 萊 B 好有乃父之風！哈哈 ~
請問乃父(即係我)之風即係咩呢~
恭喜萊少萊嫂！ 祝萊B快高長大，健康精靈。 萊少以後又多了一笪地頭要照顧。
依笪地頭應成為主力，其他果d希望唔好荒廢啦~
恭喜萊少萊嫂! 疤面b真係有型有款! 注入父爰的照片,另捨不同咐!
等我陣間探bb時，睇下道疤痕會唔會退晒~ d相感受到父愛嗎~~
恭喜！ 看照片也感受到萊 b 聲如洪鐘 ^_^
都好擔心之後會成日都聽到如此鐘聲~
好靚仔呀！ 大個仔之後一定迷倒女同學仔呀！
咁係咪要教佢唔好影相同拍片呢~
請係佩服得你緊要啊！穿水的話，正確的處理方法是停止活動，叫白車來送去醫院；見紅才可空閒閒地沖涼食飯慢慢行啊！不過，賽果係健健康康當然唔使檢討返個過程喇！ 你唔陪產真係好大損失架！你知嘛，做老竇的靈魂，就係睇住bb出世嘛！果一刻，媽媽都睇唔到架！(遮住左嘛！) 我想問小萊係咪用過雙氧水洗頭？咁金o既？加埋條疤，很有江湖味啊！ 另外順帶報告一下今晚的護協價： J牌濕紙巾藍色 $14.5 J牌濕紙巾紅色盒裝 $25 J牌濕紙巾紅色3包pack $51 C牌深層水濕紙巾 $23 C牌4ways揹帶 $672 另打針package的單張和表格已取，隨身携帶。
陪產既話我驚會"鄧健泓"呀... 萊b既江湖味可能只此一日~ 唔該晒幫我睇價錢，但J牌係咪JOHNSON生，C牌係COMBI嗎？ d打針package要幾時join架？
恭喜萊少萊嫂！
謝謝ellen~
恭喜萊少萊嫂，小萊萊好靚仔呀！ 講個秘密你知，昨天也是我的農曆生日，和萊b很有緣份呢~
細路仔唔讚得架，要話佢好醜樣架， 補祝maymay生日快上~事事順境~
bingo，前者各大屈人氏同萬拎都有得賣，你再check下價喇。c牌那隻標榜深層水的，唔知有幾深的。 打針嘛，噚日應該打左乙肝第一針同牛痘喇，記得睇下佢手臂個痘痘有無紅腫呀，幾日一定會，太耐就要搵人算帳了！溍溍打係左手臂，托賴無事無幹，因為我地初頭剩係記得攪佢臍帶，唔記得個痘痘。至於出面打，都有幾個唔同package，有d一定係返健康院打的(例如乙肝第2及3針)。最快打的係五合一和口服輪狀病毒，第二個月打肺炎鏈球菌第一針，再之後....多到唔記得，但記落比健康院少幾針。如係護協那個package，有鄰居個b(比溍溍大3日亦廣華之友)，選了去保安道一間診所，近你的，仲有佢話那個女醫生很好人；但我地就選了去太子(金都那邊)，個醫生亦很好人。你記得順便觀察同搜尋下，因為都要為bb搵定個o岩的兒科醫生。 記住，西九龍健康院打針房唔好郁姑娘張櫈，那個超cooooooooool的姑娘炳人的，但那打針手勢就真係一流，一話不說(人家都要二話)就打左，快到無朋友！ 昨晚難得的silence night有無好好訓？出院後就從此好多年都無覺好訓的了！
萬寧做緊特價，都係揀d平平地既用先~ 頭先探bb，萊嫂有講打過乜野乜野針，睇下依兩日搵你拎d資料睇睇~ 要去西九健康院時留意下先~ 今晚都仲有silence night既~
嘩! 上星期聚會,仲見萊嫂腹大便便。過左幾日，就收到好消息，萊Ｂ,好趣緻! 萊嫂,辛苦曬啦! 阿萊,努力搵奶粉錢!
真係話咁快，其實我地d野都未準備好晒，外傭姐姐又未黎~ 奶粉錢的確好甘，所以飲多d人奶好d~~
沒想到Roy手腳這麼快... 已經有bb的專屬Blog啦！ 真的好可愛啊！ 好像都可以聽到bb大哭的聲音... 恭喜唷！！
趁這兩天還算有暇，可做到一日一blog，不過bb回家後，應會忙得很了~
望真D~~點解係金毛萊仔
本身d頭髮唔烏黑加上燈光效果~
萊b係咪男仔？唔見你寫佢係男定女呢...不過我估似男仔啊！恭喜恭喜！
多謝晒，係男仔黎架~
在其他blog中看到你轉了頭像, 才知你的BB出世了, 雖然遲了點, 但congratulations! 因為只係見過你真人, 所以直覺上覺得BB好似你.
唔遲唔遲~多謝晒~ 係亞，萊b係似我多d~