香港法例規定，為人父母者必須於新生子女出生後四十二天內，辦理出生登記，逾期者會被徵收額外費用。
今天趁星期六不用上班的日子，相約L君一同到油麻地出生登記處辦手續，L君是我結婚時的伴郎，他的小兒比萊b早六天出世；
事前在網上得悉星期六早上只處理六十個登記及有很多人輪候，以免白行一趟，與L君八時便到登記處門外輪候；
登記處九時正辦公，我們分別取了二十四號和二十五號的籌；
等候至十時許到櫃台登記資料，之後再等到差不多十一時，在付費140港元後才取得出生登記證書。
由此刻起，萊b擁有自己的名字，「鄒卓朗」是也！
本blog亦改名為「b朗 blog」~
而L君的兒子名「羅睿希」~
早上八時到達已有約三十人排隊
星期六早上只有六十個籌
「卓朗」與「睿希」
文章標籤
全站熱搜
兄弟倆 (2)
叫太郎至啱嘛 ~ 嘻嘻 ~~~
b朗有日文名既，叫TAKURO
咦，睿希下次慶祝生日要4年之後喎！仲有呢，個名係相士改架？
4年先慶祝一次都幾慘...... 大佬你咁醒既，真係搵人改架，不過我唔知係邊個...
出世紙改用電腦打字，很好，唔使驚職員用核突的「手寫輸入體」
我估應該有好多年唔係用「手寫輸入體」~
有無攞多張正本呀？一張放在家，方便辦證件用，一張放在保險箱，就算屋企張殘左都仲有張新的。
只攞左一張，因職員話第時可以補發，同埋大陸果d先需要多兩、三張，況且我地都無保險箱~
當年我o地都幫phone仔一次過申請o左兩張真實副本，一張即時有，另一張要遲d先至有。
而家佢會問你要幾多張同即時俾你，總之收你$140一張~
你同 L 君一齊 但係點解登記編號差咗一個嘅？
係呀我地都留意到，唔知係幫我登記果個快左，定係幫L君果個慢左，中間涉左一個人......
萊B也是在油麻地拿出世紙的嗎？我家的小B也是呢！小B是在荃灣港安出世的，但不知為什麼要到油麻地辦出生証？但小B現在也未可拿出世紙呀！因他爸爸找了李X責改名，要4月11號才有名字給選擇呢...其實，這樣也好，至少我們可以小B幾天...因為我弟弟說小B拿來了証件之後，便會帶他回珠海住了....以後，見小B的機會就沒多少次了...
法國,廣華,QE,聯合,浸會,瑪嘉烈同廣安都係晌油麻地辦出世紙 搵李承責改駛唔駛3千蚊？以我所知佢仲會教你以bb名義做善事~
其實這幾天也有看萊B這個Blog...但近日心情有點差，因距離小B要回去的日子越來越少了.... 我弟弟是在香港長大，在香港唸教會學校，日本公司僱員，就只是駐大陸工作，唉！想不到從此就紮根大陸...如果我弟弟不是娶大陸女人就好了...那麼小B就不用走了....
咁小B可以跟番父母對佢黎講應該係件好事黎~ 搵食無辦法啦，唔少人都要離鄉別井工作，至於你弟婦只要對你細佬同小B好，係乜地方既人都唔重要啦，況且珠海好近香港0者~~
李承責今年過左年後，加左價要$3,800呀！之前都只係$2,800...加幅都幾大...聽人講佢會俾三個等級既名俾父母選擇，每個等級有10個名，即係有30個名選擇...又會講BB一生運程，旺什麼顏色，旺什麼方向，要避些什麼..會見時任問同埋會錄音俾番隻CD父母，仲會話您知BB英文名要用乜野英文字母..聽落幾丰富... 我自已兩個小朋友當年就無俾人改名，全部我同先生自已諗..連筆劃都無計過，但求順口易寫就算...
加成千蚊？證明市場有好大需求喎... 但原來改名仲包埋運程同趨吉避凶，真係一條龍服務~ 其實只要個名唔好咁"LIU LUN"，唔好搵d問10個有9個都唔識讀既字，順口好聽便可~