7月9日
b朗自三個多月大起，喝奶的次數及每餐的份量俱減，即每天喝奶的總份量比之前減少，而每次餵他喝奶也比之前艱難，一開始時會哭著不肯吃，到吃時又極不專心包括對著你笑及左顧右盼等，最後吃了百逾毫升(三、四安士)便拒絕再吃，以舌頭頂出奶嘴或哭起來......
這現象或許便是「厭奶期」，前天帶b朗到母嬰健康院打第二支四合一疫苗，護士接見時道出有此情況，她答說很多嬰兒在這階段也會如此，毋需太擔心；
不知是否天雨關係，那天早上人不多，不需半小時便完成磅重，打針和取藥，b朗的體重是6.7公斤，算是同齡嬰兒體重的中位數；
朗媽說在健康院巧遇在廣華醫院同房的媽咪，她的囝囝比b朗早一天出生，名字同樣有個朗字呢。
b朗打針後沒有發燒只是在當晚體溫輕微上升，但不知是否副作用影響，這兩、三天比平日多哭鬧及要人抱。
印姨姨與b朗於健康院等候時
朗媽說要給b朗喝開奶茶，看看會否開胃點而多吃奶
b朗自三個多月大起，喝奶的次數及每餐的份量俱減，即每天喝奶的總份量比之前減少，而每次餵他喝奶也比之前艱難，一開始時會哭著不肯吃，到吃時又極不專心包括對著你笑及左顧右盼等，最後吃了百逾毫升(三、四安士)便拒絕再吃，以舌頭頂出奶嘴或哭起來......
這現象或許便是「厭奶期」，前天帶b朗到母嬰健康院打第二支四合一疫苗，護士接見時道出有此情況，她答說很多嬰兒在這階段也會如此，毋需太擔心；
不知是否天雨關係，那天早上人不多，不需半小時便完成磅重，打針和取藥，b朗的體重是6.7公斤，算是同齡嬰兒體重的中位數；
朗媽說在健康院巧遇在廣華醫院同房的媽咪，她的囝囝比b朗早一天出生，名字同樣有個朗字呢。
b朗打針後沒有發燒只是在當晚體溫輕微上升，但不知是否副作用影響，這兩、三天比平日多哭鬧及要人抱。
印姨姨與b朗於健康院等候時
朗媽說要給b朗喝開奶茶，看看會否開胃點而多吃奶
文章標籤
全站熱搜
兄弟倆 (2)
Winnie細個時都喺唔鍾意飲奶，她未試過飲奶多過六安士，當時我都有啲驚，見細她一歲的表妹半歲人仔就可以飲到八安士奶，超羡慕。後來到咗六個月，Winnie開始試食糊仔，見佢肯食我先至無咁驚咋。
b朗一路都唔算食得，之前最多都只係食150ml(五安士)一餐，不過我又無驚亦無羨慕好"擦"得既bb~ 我諗等到五個月就比佢試下糊仔~
我兒都有少少，所以那個月他只重了一兩磅。不過好快又無事了。我媽話開奶茶涼，少飲為妙。 如果食米糊，不要買雀巢，味太甜．
我都有聽聞開奶茶涼，同埋我老闆話男仔唔好飲咁多，所以一定唔會多飲~ 米糊有無邊隻牌子好介紹？
我家妹妹不用15分鐘，已把6安奶吃光光！妹妹嫲嫲都有給妹妹吃開奶茶，這樣做好似純粹清清腸胃??因為妹妹沒有厭吃奶。
咁bb女一定好肥肥白白~
b朗巧重啊！我6個月時才得7.幾k豬咋，我諗你肯定係體重同身形上，好似你爸爸咁追過我爸爸！ 唔肯食或者食得錯少少唔係大問題，只要唔係維持太耐就得，又或者轉下新口味吸引下味覺同視覺喇。 開奶茶都ok架，如果忟憎，就啪保嬰丹喇。 米糊我還是和光堂fans，日本米造嘛！不過我而家已經食緊和光堂7個月大的威化餅同蛋黃餅喇！
4個月6.7公斤邊算重，不過以我同萊嫂既份量，b朗大個想瘦都難囉~ 無得轉新口味個播，不過萊嫂話會試下用米水開奶... 咁你幾多個月先俾溍溍食糊仔？仲有飲果汁呢？
我好傻好天真，早幾個月前仲以為開奶茶係畀 bb 飲。
無錯喎，開奶茶係比bb飲個喎~
寫錯咗……我以為係畀媽媽飲~~
你以為係多奶茶嗎？ 不過媽媽要多奶，主要飲多d湯水同要多需求~
我地果時食gerber，貪佢味淡。日本牌子我個仔唔鐘意食。食米糊就可以食下蘋果蓉，用匙更刮下蘋果就得，飲果汁就飲鮮榨，樽裝果d 無乜益。 除左蘋果，呢隻啤梨小朋友好鍾意食，認住個樣留意下街市有無得賣，好正架！Reference: http://www.naitik.net/blog/1488 話咁快就食得固體食物，小朋友大得真快。
謝謝你的資料，我諗住b朗五個月大先俾佢試~ 不過bb既口味好難捉摸，到時希望快d就搵到佢鍾意既口味啦~ 你介紹既梨我未見過添，下次去開大超級市場睇下有無，有既買黎自己食下先~