12月14日b朗自八個月大起，每天會各吃一餐粥和一餐糊，及四至六餐奶；粥的配料有蔬菜或肉類，但是b朗不是每款粥也喜歡吃，所以會添加一些嬰兒副食品，務求他乖乖地吃下不反抗；米糊方面b朗一貫樂意的吃，我們會混入果泥或蛋黃，偶爾亦有配以嬰兒副食品；當遇上合意的米糊，b朗會主動地張開口吃~ 左下方是b朗最愛吃的水果 - 比利時啤梨，是nikita姨姨介紹的。
兄弟倆 (2)
嘩，仲好食用過maymay姨呀！
係呀，全部來路貨黎架~
咁食法，四百萬唔夠埋張單噃~ B朗爸要努力先得囉~
錢銀既野唔好提喇，希望個大市快d升番上2萬5啦......
睇怕2009日遊唔駛預你！
我唔會咁快放棄既！
我都係咁話 b 朗爸要努力工作至得~
努力極份人工都係好奀呢......
B 朗唔鐘意食乜蔬果？通常日本南瓜，日本紅蘿蔔，男爵薯仔，日本番薯，BB 仔會好鐘意食，因為好甜好好味。
蘋果、梨(其他)、香蕉等都麻麻地... 日本南瓜鍾意食，日本番薯試過一次唔食，日本紅蘿蔔同男爵無買過~
想問下你話係米糊內加果泥， 係點整呀？ 可否教我，謝謝 同粥你又話加一些嬰兒副食品(係咩來呀?)同想問下如果我係粥仔加蔬菜或肉類, 我係同粥一齊放? 係煲左肉先或粥先? 再放? 謝謝
之前咪買左套食具既，將d啤梨磨溶然後撈落糊仔度，好簡單~ 菜同肉係同粥一齊煲，b朗而家只係切碎d菜食埋，舊肉就只係要d味。 副食品咪係張相入面一盒盒果d，因為b朗唔鍾意食粥，所以加少少落粥度會好味d。
有沒有吃魚肉？如果豬肉不太吃，可試下魚肉先。 日本紅蘿蔔同男爵好香好正，記得買來大人細路一齊食！
有試過落魚肉，但b朗可能嫌腥唔鍾意食... 下次去開梳哥或城市超級睇下先~