3月15日
上星期一帶b朗到母嬰健康院打一歲混合針，體重連汗衣和尿片為9.53kg，屬同齡的中位數；
打針前由護士接見作「兒童發展監察計劃」，被問及一些b朗日常的發展情況和生活習慣，並即席測試b朗在碗子裡取出東西，用姆指和食指拿捏小餅乾等；護士說一歲幼兒應懂得自己站立數秒時間，及可以扶著東西步行幾步，但這些b朗仍未懂，護士便說需在兩個月後回健康院跟進情況，並叮囑我們平時要多些練習；
這輛車子有扶手可給b朗推著練習步行~
一歲後的b朗終懂得自己拿著奶瓶喝奶~
文章標籤
全站熱搜
- 3月 15 週日 200922:05
學行
兄弟倆 (2)
放多D比B朗在地下玩啦！ 佢自已會周圍爬，又會自已抓住站立啦~~
而家好多時間都會比b朗落地玩~
不過識得行識得走又會有另一種煩惱架喇，哈哈~
肯定到時會無時停......
老師講得啱，要放佢係地下玩，佢先會肯自己學行架~
最弊而家真係未學行先學走，企都未企穩就向前衝...
啱啱學行就好似看牛一樣囉~^o^
睇少眼都有危險...
唔使擔心咁多，bb學下學下就會懂，唔使下下都驚住先得架！ 練佢手指拎野，搵個錢罌，搵d籌碼(多顏色嘛，不過記得抹乾淨先)，教佢拎起籌碼入落錢罌，既可訓練小肌肉(即係手指拎起野)、分辨顏色、入錢罌的動作添。再唔係買d積木，教佢拎起放入不同顏色的籃，紅藍黃綠咁顏色就夠了。1歲未識搭起積木，拎來拎去就是了。
其實我同萊嫂都唔擔心亦無野驚，順其自然嘛~ 都有俾類似lego既野b朗玩，不過佢興趣唔大，只係間唔中將你砌好既拆散......
玩lego咁高檔呀，溍溍玩通粉咋！上幼潛學的，買個膠盒，買包通粉(不要買小的，要買中或大的通粉，又或想colorful d，買d有顏色的粉)，將通粉放入盒內，再比個小盒佢教佢將通粉由這個拎到那個，又或比個鏟佢，比佢學下鏟通粉，又或將d通粉由大盒去小盒。玩完蓋返個盒，方便處理。
唔係lego呀，係類似lego既積木，遲d影張相放上黎~ 就咁聽你玩d通粉都已經覺得好複雜，唔好搞我喇~
聽老人家話小朋友"腳仔放埋口好快會識走"我個姨甥女都係呀....
有d咁既野架? 回想b朗都只係幾個月時, 拎過自己隻腳玩, 好似唔多見放埋口喎......