4月25日
早上大雨滂沱，在黃色暴雨警告下b朗上了出世至今的第一個課堂，是香港保護兒童會主辦的「親子遊樂場」；
我們原本想報名參加較有口碑的基教會幼潛班，可是連續兩期課程(每期三個月)也抽不中籤，最新的一期更漲價了，所以決定移師參加這個收費較便宜地點亦較近的PlayGroup；
天雨關係上課時間開始也只得我們和另一組家庭，之後其他家庭才陸續到達，最後共有七位小朋友一同參與；在一個小時的活動裡，導師姐姐先後拿出奶粉罐、小搥子、鈴鼓，玩具琴及玩具保齡球給大家玩，期間亦唱了些兒歌；
開始時每人獲派一個奶粉罐，b朗卻爬出去拿了導師的那個......
難得地乖乖坐下看著導師示範拍打罐子......
這次又想爬出去拿取導師手上的鈴鼓......
大部份小朋友都服從地坐於父母身旁，專心地把玩面前的玩具，但b朗卻不斷爬到別人處圖搶同學仔的玩具，之後更不受控制沿著膠墊圍邊爬了兩個圈......
文章標籤
全站熱搜
兄弟倆 (2)
好好笑! b朗咁識主動爭取, 大個仔一定有作為呀~
但係唔受控制呢......
b朗漸漸發揮其骨子裏的奀皮性格呢~~^^
再大多少少仲更加難搞......
d同學仔年紀相唔相若呀？返左幾個course，發現係差2-3個月都可以分別好大。 溍溍噚日因為黃雨唔使返學，只要黃雨在12:40才下，規則是12點前下才會有下午堂上。
都應該差無幾，知道既係有兩個都係08年3月，一個就已經歲半~ 依度就3號波同紅雨先唔駛返~
睇落 b 朗爸好似巨人咁！
都唔係好巨咋......
好有父子相啊！^o^
咁b朗第時實迷到不少女生~
萊少萊嫂，玩得開心D喇~~
多謝~ 聽朝出發喇~
B朗咁醒目...唔駛驚佢會比人蝦...哈哈~
但會蝦人呢~哈哈~ 影樓網址如下 http://hk.myblog.yahoo.com/takeonezero
萊少萊嫂，旅途愉快~~^^
多謝~
4日好快返來呢~~~~~
眨下眼就返啦~
b 朗都會等住你地返架~
唔知b朗掛唔掛住我地呢~
雖然遲左d(呢兩日工作超忙)，但如有手的話，可以幫手買本rurubu的《こどもとあそぼ！名古屋東海’09～’10 》，香港找不到啊！
唔遲呀，無問題~
爸爸媽媽飛左 b朗好寂寞啊 ~~
應該未識，麻麻話同平時一樣~
係啊，b朗好掛住爸媽啊！ 本書有手先買，買左睇埋先都得。事關我5月底無得去喇！ 速報：今日成田空港一班由洛杉磯起飛的西北航空一名歸國日本女子初步呈陽性反應，現已送入成田市赤十字醫院。
我諗住聽日買，咁即係仲駛唔駛買？ 無得去！？嗯，問唔問你原因好呢......
我覺得b朗掛住印姨姨多D~~~哈哈
我都係咁話~
哎呀，多左個係加拿大BC修學旅行回日的橫濱17歲高中生出現懷疑個案呀！萊嫂要小心呀！
係呀，今朝起身睇新聞就話日本第一宗疑似豚感冒，好似好緊張咁......
買呀，原因咪H1N1甲型流感囉！日本頭兩單都流料了，但今日有第三單出現係嬰兒。 香港都出現第一單喇！返黎時要小心呀！特別係阿嫂呀！
香港係疑似定證實呀？ 今日無行書局，聽日幫你睇下~
upload左兩張呃得下人既芝櫻相上萊遊日本留言版~
萊少, 明天回來時, 要做足保護設施, 萬事小心呀~ GOOD LUCK!
真係咁嚴重！？ 駛唔駛晌日本入定d口罩？ 你要既野買左四支~
NEWS: 本港確診首宗甲型流感H1N1個案，患者來自墨西哥，本港緊急應變由嚴重升至緊急級別。 HK d mask有d地方炒到$100/box, 有d地方就仍買緊$40-50/box, 但好難買到. 我今日想買酒精洗水液, 又度度無貨. 如果你屋企無mask存貨, 咪買d返來囉. 唔駛係hk四圍撲, 係機上又有得帶ma. 四支咁多? 真的唔該晒! ^^
岩岩上左hk.yahoo睇到段新聞，仲係亞洲第一宗確診...... 咁聽日晌上野買番幾盒口罩旁身先... 四支多呀？咁我開支黎用下先~~
總之上飛機小心d，雖則checkin劃位無得睇前後幾行係咩人，再唔係你要求話包起前後3行，咁起碼返香港後未必原比人隔離。我諗，萊嫂最好上機前準備好mask，機上全程帶住喇。 今日帶溍溍返playgroup，都突然變成只準一個大人同bb入去咋。其實，香港情況而家唔係嚴重，係大家都好alert o者！ 小妹：口罩我今日係尖咀都見過有d地方都有，荔枝角都係，可能熱門當旺的比較易比人掃哂o者。
安全回家~ 飛機上都只係少數人戴左口罩，無想像中咁嚴重，起碼的士大佬都無戴~今日上野阿美橫藥房d口罩被人數左八八九九~ 係呀，本rurubu買左喇，另外買左件新幹線甚平俾溍溍~
多謝哂呀，計返個港幣數等我數返錢比你喇！
本來晌akachanhonpo見到件甚平，之後去babiesrus時晌saniro見到件新幹線甚平得意d，不過無90碼，所以買左100碼~ 本rurubu 900yen，8算即係$72~
咁件甚平呢？計埋喇，我都係留港消費，唔使送來送去囉。
我聽日後日會晌太古城返工，你會幾點收工？
お帰り ~~ ^^
はーはー～ただいま～