1月9日
對保護兒童會的「動感音樂天地」不大滿意，當時有同學家長軒軒媽介紹了協康會的Playgroup；我們到協康會查詢時最近家居的長沙灣中心的一月份課程已滿額，惟有報讀第二近的富昌中心；
遊戲小組名稱為「Children Adventure」，對象是一歲半至兩歲之幼童，今天課堂連b朗共有五男生和三女生全數出席，導師是物理治療師並有一位職員協助；
課堂開始先唱歌做動作，今天的主題是手部訓練，先後有搖動搖鈴、用手沾上水彩印在白紙上、以掃，刷及手襪在手上磨擦、將附著吸盤的球兒擲在白板上，及推出大球兒以撞倒大保齡球樽等；
b朗可說是小組中最活躍的一個，其他同學大多乖乖地企或坐在墊上跟隨指令，但b朗卻往往東奔西跑到處摸索，連導師也要出手捉住他耶；
放學回家匆匆吃過午餐就去午睡，因下午朗爸的舊同事謝斐叔叔到訪探望b朗和細b兩兄弟，之後一起到茶餐廳請我們吃下午茶，謝斐叔叔更給了細b大利是；
晚上到森叔叔和慧琪姨姨的家吃火鍋(打邊爐)，我們只帶b朗去，與鋒鋒和泓泓「三仔聚會」，b朗和兩位哥哥追逐得很開心；席間有人投訴前村長事忙到不覆電郵，要聲討他......
文章標籤
全站熱搜
兄弟倆 (2)
真好, 協康會的playgroup很受歡迎,往往要排很耐才報到名, 朗媽咁快就幫朗b報到, 真好!第一堂感覺如何呢?希望無介紹錯啦.
係呀，多謝你介紹呀~ 上月中帶細b去西九打針時順便落一層既協康會問，回覆話1月開班既full晒，叫我試下問富昌中心，打電話去富昌時講低左資料，估唔到隔幾日就話有位叫我地去俾錢~ 第一堂我地都好滿意，好過保護兒童會果個多多聲~~
忙不是罪啊！果日去了上堂，兩點上到七點鐘，溍溍係屋企婆婆睇住，黎洗碗麼....
知你地好忙，撞著有重要事做亦無法，問題唔係依度，主持人只係呻你唔覆貓0者~
請問呢班係咪星期六早上10-11 - Ms.陳教?
唔係，時間同導師都唔係~
咁你返邊班? 同邊個先生教? 因我打去協康問, 他話呢隻課程全都係同一先生教, 所以想問清楚, 謝
我地導師係李姑娘~ 至於課程係咪同一人教依方面我就唔清楚...